» » Ajinlarga qarshi kurashamiz

Ajinlarga qarshi kurashamiz


Maqolada ajinga qarshi usullarning eng oddiy va osonlarini keltirib o‘tamiz.

Ajinga qarshi massaj

Bunday massaj terini namlantirib, undagi suv balansini tiklaydi. Yuz terisini kokos yoki bodom yog‘i bilan massaj qilishingiz mumkin. Ko‘z tagidagi ajinlarni yo‘qotish uchun kanakunjut moyi qo‘l keladi.

Ajinga qarshi niqob

Bunday niqobni uzumdan tayyorlash mumkin. Buning uchun uzum etini yaxshilab ezib, yuzga 20 daqiqaga surish lozim. Peshonadagi ajinlarga qarshi esa banan pyuresini niqob qilib surish yaxshi ta’sir qiladi.

Sog‘lom hayot tarzi

Go‘zalligimiz ko‘p hollarda hayot tarzimizga bog‘liq bo‘ladi. Horg‘inlik yoki aksincha, yaxshi kayfiyat birinchi navbatda yuzimizda o‘z ifodasini topadi. Shu tufayli mutaxassislar yoshga bog‘liq ajinlarga qarshi kurashda eng oson va tabiiy yo‘l — sog‘lom hayot tarzini tavsiya etadi. Quyida bunday turmush tarzi olib borishning oltin qoidalarini keltirib o‘tamiz.

Tamaki tutuni teriga salbiy ta’sir qilib, uning tarkibidagi kislorodni kamaytiradi, natijada hujayralar yangilanishi jarayoni sekinlashadi.

Quyoshli havoga chiqishdan avval teriga ultrabinafshali krem surib, ko‘zoynak taqib oling. Quyosh nuri terining barvaqt qarishiga olib keladi.

Toza havo terini kislorod bilan boyitib, uning go‘zalligi va yoshligini uzaytiradi.

Terini yaxshilash uchun meva va sabzavotlar (kletchatka va vitaminlar), dengiz mahsulotlari, go‘sht va tuxum (oqsil), sut-qatiq (oqsil va kalsiy), suli yormasi (ovsyanka) va don mahsulotlari (uglevodlar), yong‘oqlar (oqsil va yog‘lar), asal iste’mol qilish lozim.

Teri nafas olib, tiniq va yosh ko‘rinishi uchun uni har kuni kosmetik vositalardan tozalab, yuvish bilan birgalikda, haftada kamida bir marta yumshoq skrablarni ishlatish lozim. Ular yuz terisining o‘lik hujayralarini archib tushiradi.

Ish kunlari va og‘ir ish haftasi so‘ngida dam olib, o‘zingizni “qayta tiklash”ni o‘rganing.

Har kuni jismoniy mashqlar bajaring, yoga, raqs, suzish va boshqalar bilan shug‘ullaning. Shunday faollik chog‘ida teri kislorod bilan boyib, o‘zidagi zararli toksinlarni chiqarib yuboradi.

Опубликовано: admin (10-03-2017, 09:29)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 33) ( 0) ( 32) ( 1)
Юзеры:
- отсутствуют
Гости:
Роботы:
Последние 20 посетителей... - отсутствуют