BMT Ukraina, Venesuela va Suriyadagi vaziyatni ko‘rib chiqadi

BMTning inson huquqlari bo‘yicha kengashi yaqin kunlarda Ukraina, Venesuela va Suriyadagi vaziyatni ko‘rib chiqadi, deb xabar berdi “Exo Moskvi”.

Jenevada ushbu xalqaro tuzilmaning navbatdagi sessiyasi o‘tkazilishi kutilmoqda.

Qayd etilishicha, unda Ukraina, Venesuela va Suriyadagi vaziyat ko‘rib chiqiladi. Bundan tashqari, bolalarni zo‘ravonlikdan himoya qilish, terrorizmga qarshi kurashishda inson huquqlarini himoya qilish, qiynoqlarning oldini olish, diniy va madaniy huquqlar erkinligini ta’minlash, diskriminatsiyaga qarshi kurashish masalalari ham muhokama etiladi.

Sessiya deyarli bir oy davom etadi.