APLda fevral oyining eng yaxshi murabbiyi bo‘lishga da’vogarlar ma’lum bo‘ldi

Angliya premyer ligasi o‘zning rasmiy saytida musobaqada fevral oyining eng yaxshi murabbiysi sovriniga da’vogarlar nomini e’lon qildi.

Fevral oyida “Manchester Yunayted” Ole-Gunnar Sulsher bilan mehmonda kechgan 3 ta o‘yinda g‘alaba qozondi, “Lester” (1:0), “Fulhem” (3:0) va “Kristal Pelas” (3:1). Yana bitta o‘yinda “qizil iblislar” o‘z maydonida “Liverpul” bilan durang o‘ynadi (0:0).

“Manchester Siti” o‘tgan oyda 4 ta o‘yin o‘tkazib, ularning barchasida g‘alaba qozondi. Klub Pep Gvardiola boshqaruvida o‘z uyida “Arsenal” (3:1), “Chelsi” (6:0), “Vest Hem” (1:0) ustidan g‘alaba qozondi va safarda “Everton”ni mag‘lub etdi.

“Arsenal” fevral oyida 4 ta o‘yinning faqatgina bittasida, mehmonda “Manchester Siti”ga qarshi kechgan o‘yinda mag‘lubiyatga uchradi (1:3). Unai Emeri jamoasi qolgan 3 ta o‘yinda esa g‘alaba qozondi. “Kanonirlar” o‘z maydonida “Sauthempton” (2:0) va “Bornmut” (5:1) qarshi kechgan o‘yinda qo‘li baland kelgan bo‘lsa, londonliklar mehmonda “Haddersfild”ni kichik hisobda yutdi (2:1).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!