Neymar “Real”ga o‘tishiga shama qildi

PSJ hujumchisi Neymar “Real”ga o‘tishi mumkinligini inkor qilmadi.

““Real”? Bu dunyodagi eng yirik klublardan biri hisoblanadi. Istalgan futbolchi u yerda o‘ynashni orzu qiladi. Ammo men u yerga o‘taman demayapman, o‘zingizni bosing. Parijda baxtliman. Lekin kelajakda meni nima kutayotganini hech kim bilmaydi. Ayni damda o‘zimni Parijda ko‘rmoqdaman. “Barselona”da o‘ynashni orzu qilgandim va bu niyatimga erishdim. PSJdan ketishni xohlamayman. Ammo 3 oydan keyin nima bo‘lishini hech kim bilmaydi”, — deya Neymarning gaplarini keltirib o‘tadi Globo.

Avvalroq Madrid klubi ham Neymarni sotib olishi mumkinligi haqida xabarlar berilgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!