Rossiya iqtisodiy rivojlanish vaziri Maksim Oreshkin boshchiligidagi delegatsiya O‘zbekistonga keladi

Rossiya iqtisodiy rivojlanish vaziri Maksim Oreshkin boshchiligidagi delegatsiya 7—10-mart kunlari O‘zbekistonda bo‘ladi. Bu haqda TIV matbuot xizmati xabar berdi.

Tashrif dasturidan O‘zbekiston—Rossiya hukumatlaro komissiya ishchi organlari rahbarlarining uchrashuvi o‘rin olgan. Uchrashuvda ikki davlat vazirlik, muassasa va kompaniyalari vakillari ham ishtirok etadi.

Shuningdek, Maksim Oreshkin boshchiligidagi delegatsiya Moliya hamda Iqtisodiyot va sanoat vazirliklarida ham muzokaralar olib borishi, qo‘shma loyihalar amalga oshirilishini muhokama qilishi kutilmoqda.