Poroshenkoning mitingdan “qochib ketayotgani” aks etgan surat soxta bo‘lib chiqdi

Ukraina prezidenti matbuot kotibi Svyatoslav Segolko o‘zining Facebook sahifasida prezident Pyotr Poroshenkoning mitingdan “qochgani” tasvirlangan rasm soxta ekanini aytdi. Bu haqda “Gazeta.ru” xabar berdi.

“Rasm boshqa bir rasmdan kesib olingan va u mutlaqo soxta”, — yozadi Segolko.

O‘z o‘rnida UNIAN fotografi Leonid Shevchuk rasmning muallifi hisoblanadi. U ushbu kadrlar mitingga qadar olinganini, Pyotr odamlardan emas, aksincha odamlarning oldiga qarab chopayotganini tushuntirgan.

Ushbu rasmda Ukraina prezidenti Pyotr Poroshenko Jitomir shahrida uning tarafdorlari uyushtirgan mitingdan shoshib qochib ketayotgani tasvirlangan.