“Barselona” Yevropa Chempionlar Ligasida “Bavariya” o‘rnatgan rekordni yangiladi

13-mart, chorshanba kuni Yevropa Chempionlar Ligasi 1/8 finalining javob uchrashuvida “Barselona” “Lion”ni mag‘lubiyatga uchratdi (5:1).

Mazkur musobaqada kataloniyaliklar “Namp Nou”da bo‘lib o‘tgan so‘nggi 30 ta o‘yindan beri (27 ta g‘alaba, 3 ta durang) mag‘lub bo‘lmayapti. Bu Yevropa Chempionlar Ligasining yangi rekordi hisoblanadi, deb MisterChip xabar berdi.

Avvalroq “Bavariya” 1998—2002-yillar davomida rekord o‘rnatgandi. O‘shanda myunxenliklar o‘z maydonida kechgan 29 ta bellashuvda mag‘lubiyatga uchramagandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!