Zidan effekti. “Real” yangi futbolchi transferini e’lon qildi

Madridning “Real” klubi “Portu” himoyachisi Eder Militaoni o‘z safiga qo‘shib olganini e’lon qildi.

21 yoshli braziliyalikning Madrid klubi bilan shartnomasi 2025-yil 30-iyuniga qadar mo‘ljallangan. Kelishuv joriy yil yozidan kuchga kiradi.

AS nashri xabariga ko‘ra, “Portu” futbolchisiga 50 million yevro tovon puli belgilagan. Agar transfer 15-iyulga qadar amalga oshadigan bo‘lsa, 50 million yevro, mabodo undan keyin ro‘y bersa, 75 million yevro to‘lanishi ko‘zda tutilgan.

Joriy mavsum Militao Portugaliya chempionatida 20 ta o‘yinda maydonga tushib, 2 ta gol urishga erishgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!