Dog‘istonda telpak ko‘rinishidagi “Habib Arena” qurishmoqchi (video)

Qozog‘istondan kelgan arxitektorlar guruhi Habib Nurmagomedovning muvaffaqiyatidan ilhomlanib, o‘z loyihasini dog‘istonlik investorlarga taqdim etdi va o‘z g‘oyalariga videoni ilova qildi. Bu haqda Sputnik xabar berdi.

Arxitektorlarning ta’kidlashicha, saroy yetti ming tomoshabinga mo‘ljallangan bo‘ladi.

Arenaning yon tomonlari telpak bilan burkaning uyg‘unligini aks ettiradi. Tunda esa interaktiv yoritish tizimi yordamida stadion havoga ko‘tarilgan burgutni eslatadi.

Telpak Habib Nurmagomedovni UFC’ning boshqa jangchilaridan ajratib turuvchi belgiga aylangan. Uning janglardagi muvaffaqiyatlari ushbu bosh kiyimini dunyoga mashhur qildi.