“Manchester Yunayted” futbolchisi PSJga bepul o‘tadigan bo‘ldi

“Manchester Yunayted” yarim himoyachisi Ander Errera PSJ bilan shartnoma tuzishga yaqin. Bu haqda Marca xabar berdi.

Mavsum oxirida Errera “qizil iblislar”ni erkin agent sifatida tark etishi mumkin. Parijliklar 29 yoshli ispaniyalik uchun haftasiga 173 ming yevro to‘lashga tayyor.

Eslatib o‘tamiz, Ander Errera joriy mavsum Manchester klubi tarkibida 19 ta uchrashuvda maydonga tushib, 2 ta gol urdi va 3 ta golli uzatma berdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!