Afrikadagi siklon qurbonlari soni 700 kishiga yetdi

Afrikaning janubi-sharqida yuz bergan Iday tropik sikloni ko‘plab falokat keltirdi. Natijada Mozambikda 417 kishi, Zimbabveda 259 kishi va Malavida 56 kishi halok bo‘ldi. Bu haqda “Korrespondent.net” xabar berdi.

Xabarda aytilishicha, qurbonlar soni yana oshishi mumkin.

Ofatdan 1,7 million kishi aziyat chekkan.

Sofala va Manika provinsiyalarida 10 mingdan ortiq uylar vayron bo‘lgan. Elektr va suv ta’minoti yo‘q, oziq-ovqat va dori-darmonlar bilan bog‘liq jiddiy muammolar mavjud. 65 ming aholining hayoti xavf ostida qolmoqda.