“Tatneft” O‘zbekistonda qo‘shma korxona ochish va geologik qidiruv ishlarini boshlashni rejalashtirmoqda

Rossiyaning “Tatneft” kompaniyasi joriy yil o‘rtalarida O‘zbekistonda qo‘shma korxona ochish va investitsiyaviy bloklardan birida geologik qidiruv ishlarini boshlashni rejalashtirmoqda. Bu haqda “Podrobno.uz” xabar bermoqda.

“Rossiya tomoni geologik qidiruv ishlari va konlarni o‘rganishga qiziqish bildirilmoqda. Hozirda Farg‘ona vodiysi va Surxondaryodagi konlarga Rossiya texnologiyalarini jalb etish masalasi muhokama etilmoqda”, — dedi “O‘zbekneftgaz” vakili.

“Tatneft” Toshkent viloyatida yoqilg‘i quyish shoxobchalari tarmog‘ini barpo etishni ham rejalashtirmoqda.