Kuala-Lumpur — Singapur dunyodagi eng eng serqatnov aviayo‘nalish deb topildi

Britaniyaning aviatsiya statistikasi bilan shug‘ullanuvchi OAG onlayn-servisi 2019-yilning eng serqatnov aviayo‘nalishlari reytingini tuzdi. Bu haqda “Korrespondent.net” xabar bermoqda.

Ushbu ro‘yxatdagi birinchi o‘rinni Kuala-Lumpur — Singapur reysi egalladi. Yil davomida bu yo‘nalish bo‘yicha 30 mingga yaqin, kuniga o‘rtacha 82 ta parvoz amalga oshiriladi.

Keyingi o‘rinlarda Gonkong — Taybey (yiliga 28,5 ming reys) va Singapur — Jakarta (yiliga 27 ming reys) qayd etildi.