Intel haydovchisiz avtomobillar uchun kameralar ishlab chiquvchi kompaniyani 15 mlrd dollarga sotib oldi

Intel korporatsiyasi Isroilning haydovchisiz avtomobillar uchun optik tizimlarga ixtisoslashgan Mobileye kompaniyasini sotib olganini e’lon qildi, deb yozadi Meduza.

Amerikaliklar Mobileye’ning barcha aksiyalarini sotib oladi, oldi-sotdi bitimi taxminan 15 milliard dollarni tashkil etadi.

Haydovchisiz avtomobillar uchun uskunalar yaratish bo‘yicha birlashgan laboratoriya Isroilda joylashadi. Mobileye’ni xarid qilish bo‘yicha oldi-sotdi to‘qqiz oy ichida yakunlanishi kutilmoqda.