Janubiy Koreya internetga ulanish tezligi bo‘yicha dunyoda birinchi o‘rinni egalladi

Janubiy Koreya internetga ulanish tezligi bo‘yicha reytingda birinchi o‘rinni egalladi. Bu haqda Akamai Korea kompaniyasi ma’lum qildi, deb yozadi “Kommersant”.

Kompaniya tadqiqotda 2016-yilning to‘rtinchi choragidagi vaziyat bilan bog‘liq ma’lumotlarni tahlil qildi. Dunyo bo‘yicha internetga ulanishning o‘rtacha tezligi sekundiga 7 Mbitni tashkil etdi. Bu undan avvalgi chorakdan 26 foizga ortiqdir. Janubiy Koreyada esa o‘rtacha tezlik sekundiga 26,1 Mbitni tashkil etdi.

Reytingning ikkinchi o‘rnidan 23,6 Mbit/s ko‘rsatkich bilan Norvegiya joy oldi. Undan keyingi o‘rinlarni Shvetsiya (22,8 Mbit/s), Gonkong (21,9) va Shveysariya (21,2) egalladi.