Niderlandiyalik olimlar ilk bor qora tuynukni suratga olishga muvaffaq bo‘ldi (foto)

Yevropalik olimlar birinchi marta qora tuynuk tasvirini olishga muvaffaq bo‘ldi. Bu haqda BBC News xabar berdi.

Ushbu qora tuynukkacha bo‘lgan masofa taxminan 50 million yorug‘lik yili yoki qariyb 500 trillion kilometrni tashkil etadi. Uni suratga olish uchun u turli qit’alarda joylashgan sakkizta teleskopning tarmog‘i kerak bo‘lgan.

“Biz suratda ko‘rib turgan narsa Quyosh tizimidan ancha katta. Qora tuynuk og‘irligi quyoshnikidan 6,5 million barobar og‘ir”, — deydi Niderlandiyadagi Neymgen universiteti professori  Xeyno Falke.

“Bu mavjud bo‘lishi mumkin bo‘lgan eng katta qora tuynuklardan biri. Haqiqiy mahluq, super og‘ir vazndagi koinot chempioni”, — deydi professor.

Bu butun ilm-fan olami uchun juda muhim yangilik.  U bir vaqtning o‘zida oltita shaharda — Bryusselda, Vashingtonda, Santyago-de-Chili, Taybee, Tokio va Shanxayda to‘rt tilda bo‘lib o‘tgan matbuot anjumanida jurnalistlarga e’lon qilingan.

Bugungi kunga qadar qora tuynuk haqidagi barcha tasavvurlar faqat nazariy edi. Ularning mavjudligi juda ishonarli bo‘lsa ham, faqat ilmiy gipoteza edi.