Amerika Kubogi—2020 musobaqasining yangi formati taqdim etildi

2020-yilda bo‘lib o‘tadigan Amerika Kubogida ilk marotaba qo‘llaniladigan musobaqaning yangi formati taqdim etildi. Bu haqda KONMEBOLning rasmiy saytida xabar berildi.

Ishtirokchilar Shimoliy va Janubiy hududda 6 ta jamoadan iborat ikki guruhga bo‘linadi.

Kolumbiya Shimoliy hududda bo‘lib o‘tadigan guruh bahslariga, Argentina esa Janubiy hududdagi uchrashuvlarga mezbonlik qiladi.

Har bir guruhda dastlabki 4 ta o‘rinni egallagan terma jamoalar musobaqaning 1/4 finali yo‘llanmasini qo‘lga kiritadi.

Shunday qilib, yangi formatda tashkil etiladigan Amerika Kubogida uchrashuvlar soni 26 tadan 38 tagacha oshiriladi, ya’ni har bitta terma jamoa kamida 5 tadan o‘yin o‘tkazadi.

Shimoliy hudud guruh ishtirokchilari: Braziliya, Kolumbiya, Ekvador, Peru, Venesuela, birinchi taklif qilingan jamoa

Janubiy hudud guruh ishtirokchilari: Argentina, Boliviya, Chili, Paragvay, Urugvay, ikkinchi taklif qilingan jamoa.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!