Saida Mirziyoyeva Instagram va Facebook’da sahifa ochdi

O‘zbekiston Prezidentining to‘ng‘ich qizi, Axborot va ommaviy kommunikatsiyalar agentligi direktori o‘rinbosari Saida Mirziyoyeva Instagram va Facebook ijtimoiy tarmoqlarida o‘z rasmiy sahifalarini ochdi.

Har ikkala tarmoqda Saida Mirziyoyeva qoldirgan eng so‘nggi xabar — Prezident Shavkat Mirziyoyevning ijtimoiy va ma’naviy-ma’rifiy sohalarga oid besh tashabbusi haqidagi ma’lumotnomadir.

Ma’lumot uchun, Saida Mirziyoyeva Axborot va ommaviy kommunikatsiyalar agentligida O‘zbekistonning xorijiy mamlakatlardagi imidjini targ‘ib qilish uchun mas’ul PR-markaz faoliyatini, shuningdek, agentlikning davlat organlari matbuot xizmatlari bilan faoliyatini muvofiqlashtiradi.