Shavkat Mirziyoyev Turkiyada “Yil davlat arbobi” deb topildi

Turkiyaning “Ipakyolu” strategik tadqiqotlar markazi va Broadcasting group tomonidan tashkil etilgan marosimda Turkiya dunyosiga qo‘shgan hissasi uchun bir qancha siyosatchi, vazir va yirik tadbirkorlar taqdirlandi.

“Zarnews”ning xabar berishicha, “Yilning davlat arbobi” nominatsiyasi bo‘yicha mukofotga O‘zbekiston Prezidenti Shavkat Mirziyoyev munosib ko‘rilgan.

Mukofotni prezident nomidan O‘zbekistonning Istanbuldagi bosh konsuli Shuhrat Aminov qabul qilgan.