JSST: Liviyadagi janglarda 205 kishi halok bo‘ldi

Liviyadagi Jahon sog‘liqni saqlash tashkiloti (JSST) bo‘linmasi Liviya poytaxti Tripolida sodir bo‘lgan janglarda 205 kishi halok bo‘lgani, 913 kishi jarohat olganini xabar qildi, deb yozadi “Kommersant.ru”.

“JSSTning Liviyadagi bo‘linmasi shifoxonalarga yordam berish uchun yuborgan shifokorlar o‘nlab jarrohlik amaliyotlarini amalga oshirishga yordam bermoqda”, — deyiladi Jahon sog‘liqni saqlash tashkiloti hisobotida.

Eslatib o‘tamiz, 4-aprel kuni feldmarshal qo‘mondonligi ostidagi Liviya Milliy armiyasi Tripoliga yurish qilgan. BMT bosh kotibi bir necha bor Liviyada harbiy harakatlar to‘xtatilishini talab qilgan.