Bobousmon Boturov boks bo‘yicha Osiyo chempionatini nokautli g‘alaba bilan boshladi (video)

19-aprel, juma kuni Tailand poytaxti Bangkok shahrida boks bo‘yicha Osiyo chempionati start oldi.

O‘zbekiston terma jamoasining erkaklar o‘rtasida -69 kg vazn toifasi vakili bo‘lgan Bobousmon Boturov musobaqadagi o‘zining birinchi jangini mo‘g‘ulistonlik bokschi Bayarku Ganbaatarga qarshi o‘tkazdi. U raqibini 2-raundda texnik nokautga uchratib, jangni muddatidan avval o‘z foydasiga hal qildi. Natijada o‘zbekistonlik bokschi keyingi bosqichga chiqdi.

Qayd etish joiz, kunning birinchi jangida Shunqor Abdurasulov (-64 kg) iroqlik Kadim al-Ezireni mag‘lub etib, ikkinchi bosqich yo‘llanmasini qo‘lga kiritgandi.

Bugun, shuningdek, ayollar o‘rtasida esa o‘zbekistonlik Yodgoroy Mirzayeva (-57 kg) shri-lankalik Krishmiga qarshi ringga ko‘tariladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!