Toshkentda fuqaro tanishidan 45 ming dollar olib o‘z ehtiyoji uchun ishlatib yubordi

18-aprel kuni Toshkentning Mirobod tumanida tuman ichki ishlar organlari faoliyatini muvofiqlashtirish bo‘limiga F.K.dan firibgarlik haqida murojaat kelib tushgan.

Ma’lum bo‘lishicha, 2015-yil 1-iyun kuni Katta Mirobod ko‘chasida yashovchi R.K. uyi oldida tanishi F.K.ga birga tadbirkorlik bilan shug‘ullanishini aytib, aldov yo‘li bilan ishonchiga kirgan

Firibgar undan 45 ming dollarni olib, bergan va’dasini bajarmay pullarni o‘z ehtiyojlari uchun ishlatib yuborgan.

IIV matbuot xizmatining ma’lum qilishicha, ko‘rilgan choralar natijasida R.K. qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.