“Tottenhem” va “Arsenal” tarixda ilk bor bir mavsumning o‘zida Yevrokuboklar yarim finaliga chiqdi

Angliyaning ikki klubi — “Arsenal” hamda “Tottenhem” futbol tarixida birinchi marta bitta mavsumda Yevrokuboklarning ayrim finaligacha yetib keldi. Bu haqda Squawka xabar berdi.

“Kanonirlar” Yevropa Ligasining yarim finalida “Valensiya” bilan o‘ynasa, “shporlar” esa Yevropa Chempionlar Ligasining 1/2 finalida Niderlandiyaning “Ayaks” jamaosi bilan jang qiladi.

Eslatib o‘tamiz, “Arsenal” Yevropa Ligasining 1/4 finalida “Napoli”ni mag‘lub etdi (1:0, ilk o‘yin — 2:0). “Tottenhem” esa Yevropa Chempionlar Ligasining chorak finalida “Manchester Siti”ni ikki o‘yin natijasiga ko‘ra mehmonda urilgan gollar evaziga taslim qilgandi (3:4, dastlabki uchrashuv — 1:0).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!