Toshkentda Sankt-Peterburg kunlari o‘tkaziladi

Toshkent shahar hokimligida Elbek Shukurov va Sankt-Peterburg Tashqi aloqalar qo‘mitasi raisi o‘rinbosari Sergey Markov ishtirokida uchrashuv bo‘lib o‘tdi. Bu haqda Toshkent shahar hokimligi matbuot xizmati xabar berdi.

Muloqot davomida tomonlar 2019-yilda Toshkentda o‘tkazilishi rejalashtirilgan Sankt-Peterburg kunlari tadbirlarini yuqori saviyada tashkil etish borasida  fikr almashgan.

Uchrashuvda, shuningdek, Toshkent shahar hokimligi va Sankt-Peterburg o‘rtasida savdo-iqtisodiy, ilmiy-texnikaviy hamda madaniy hamkorlikni yanada rivojlantirishga oid takliflar ham ko‘rib chiqilgan.