O‘zbekiston Milliy universitetida Frankofoniya bayrami bo‘lib o‘tmoqda

16-mart kuni O‘zbekiston Milliy universitetida fransuz tili ixlosmandlarini birlashtiruvchi Frankofoniya bayrami bo‘lib o‘tadi. Bu haqda Fransiyaning O‘zbekistondagi elchixonasi “Daryo”ga ma’lum qildi.

Soat 11:00 da O‘zbekiston Milliy universiteti rektori va Xalqaro Frankofoniya Tashkilotiga a’zo mamlakatlar va kuzatuvchilar ishtirokida marosimning rasmiy ochilishi bo‘lib o‘tdi.

Bundan tashqari, bayram ishtirokchilari fizika fakultetida Bolgariya, Misr, Fransiya, Polsha, Chexiya Respublikasi, Ruminiya, Shveysariya, Ukraina elchixonalari, shuningdek, Fransuz alyansi stendlari bilan tanishishi mumkin.

Shu kunning o‘zida Frankofoniya bayrami doirasida o‘tkazilgan tanlovlar natijalari e’lon qilinadi.