Osiyo chempionati. Sanjar Tursunov qirg‘izistonlik bokschini taslim etib, yarim finalga yo‘l oldi

23-aprel, seshanba kuni Tailandning Bangkok shahrida boks bo‘yicha Osiyo chempionatining beshinchi kungi janglari davom ettirilmoqda.

Erkaklar o‘rtasida -91 kg vazn toifasi vakili Sanjar Tursunov qirg‘izistonlik Chingiz Borbashevga qarshi ringga ko‘tarildi.

3 raund davom etgan jangda Sanjarning qo‘li baland keldi va u musobaqaning yarim finali yo‘llanmasini qo‘lga kiritdi.

Eslatib o‘tamiz, avvalroq Shukurjon Rahimov turkmanistonlik raqibini yutgan bo‘lsa, Isroil Madrimov esa qozog‘istonlik bokschiga mag‘lub bo‘lgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!