“Real” va “Yuventus”ni Chempionlar Ligasidan chiqarib yuborgan “Ayaks” Niderlandiya klublari rekordini o‘rnatdi

“Ayaks” Niderlandiya chempionatining 32-turida “Vitess”ni mag‘lubiyatga uchratdi (4:2).

Amsterdam klubi mazkur o‘yinda barcha musobaqalarni hisoblaganda 157, 158, 159, 160-gollarini urdi.

Opta’ning xabar berishicha, “Ayaks” Niderlandiya chempionatida urilgan gollar soni bo‘yicha “AZ Alkmar” klubi o‘rnatgan rekordni yangiladi.

Ma’lumot uchun, “AZ Alkmar” 1980/81-yilgi mavsumda 158 ta gol urishga muvaffaq bo‘lgandi.

“Ayaks” hozirga qadar mamlakat chempionatida 111 ta, Yevropa Chempionlar Ligasida 32 ta va Niderlandiya Kubogida 17 ta gol urishga muvaffaq bo‘ldi

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!