Shavkat Mirziyoyevning Xitoydagi uchrashuvlari, Tuyabo‘g‘izda tutilgan bahaybat baliq, Qashqadaryoda vertolyotda kasalxonaga yetkazilgan fuqaro va kunning boshqa xabarlari

25-aprelning e’tiborga molik yangiliklari — “Daryo” dayjestida.

O‘zbekiston Respublikasi Prezidenti Shavkat Mirziyoyevning Xitoyga tashrifi 25-aprel kuni ertalab Pekin shahrida Xitoy Xalq Respublikasi Raisi Si Szinpin bilan uchrashuvdan boshlandi.

Shuningdek, Shavkat Mirziyoyev 25-aprel kuni “Dyaoyuytay” qarorgohida Xalqaro valyuta jamg‘armasi boshqaruvchi direktori Kristin Lagardni qabul qildi.

Shundan keyin Pekin shahrida Tojikiston Prezidenti Emomali Rahmon bilan ham uchrashdi.

***

24-aprel kuni Tuyabo‘g‘iz suv omborida kattaligi qo‘ydek keladigan baliq tutildi.

Baliq tortib ko‘rilganda uning og‘irligi 35 kilogrammni tashkil etgan.

***

Qashqadaryoda traktor ag‘darilishi oqibatida jabrlangan fuqaro vertolyot orqali kasalxonaga yetkazildi.

Noqulay ob-havo, yo‘llardagi nosozlik, shuningdek, qishloq va tuman markazi o‘rtasidagi uzoq masofa tufayli bemorga zudlik bilan yordam ko‘rsatishning imkoni bo‘lmagan.

***

Qozog‘istonda O‘zbekiston fuqarosi o‘g‘irlab ketildi.

Ular jabrlanuvchi fuqaroning do‘sti — O‘zbekiston fuqarosi M.S.dan 300 ming tanga talab qilgan. Aniqlanishicha, jinoyatchilar avvalroq M.S.dan qo‘rqitish usuli bilan 100 ming tanga undirgan.

***

Qo‘yliqdagi suv bosgan ko‘chada Nexia “Titanik” kabi suzdi.

Nexia avtomobili yo‘lovchilari qo‘llaridagi cho‘tka yordamida go‘yoki eshkak eshayotganini ko‘rish mumkin.