APLda joriy mavsumning eng yaxshi o‘yinchisi aniqlandi

Professional futbolchilar assotsiatsiyasi (PFA) talqiniga ko‘ra, Angliya Premyer ligasida joriy mavsumning eng yaxshi o‘yinchisi ma’lum bo‘ldi.

“Liverpul” himoyachisi Virjil van Deyk eng ko‘p ovoz to‘plab, mazkur sovringa loyiq deb topildi.

Ovoz berish jarayoni liga futbolchilari orasida o‘tkazilgan.

Mazkur nomga Virjildan tashqari quyidagi futbolchilar da’vogarlik qilgandi: Rahim Sterling, Serxio Aguero, Bernardu Silva (hammasi — “Manchester Siti”), Sadio Mane (“Liverpul”) va Eden Azar (“Chelsi”).

28-aprel, yakshanba kuni sovrindorlarni taqdirlash marosimi bo‘lib o‘tadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!