O‘zbekiston suv omborlarida yomg‘irlar hisobiga suv miqdori ikki barobarga oshdi

O‘zbekistondagi suv omborlarida 12 milliard 400 million kub miqdorida suv mavjud bo‘lib, ularning 2 milliard kubi ushbu aprel oyidagi yomg‘irlar hisobiga to‘lgan. Bu o‘tgan yilgiga nisbatan ikki barobar ko‘p degani. Bu haqda Xalqaro Press-klubning qishloq xo‘jaligiga oid navbatdagi sessiyasida Suv xo‘jaligi vazirining o‘rinbosari Ravshan Mamutov ma’lum qildi, deb yozadi Uz24.

Uning aytishicha, joriy yil yirik suv omborlaridan biri bo‘lgan Chorvoq suv omborida suv miqdori 1 milliard kubdan oshgan, iyun oyining birinchi o‘n kunligiga qadar suv miqdori 1 milliard 700 million kubga chiqishi kutilmoqda.