Obamaning prodyuserlik kompaniyasi Tramp ma’muriyati haqida film suratga oladi

Barak va Mishel Obama asos solgan Higher Ground Productions prodyuserlik kompaniyasi Netflix striming servisi uchun Maykl Lyuisning “Beshinchi xatar” kitobini ekranlashtirishni rejalashtirmoqda. Bu haqda sobiq AQSh prezidentining o‘zi ma’lum qildi, deya xabar beradi Meduza.

Ushbu kitobda AQShning amaldagi prezidenti Donald Tramp ma’muriyati faoliyatining boshlanishi haqida hikoya qilinadi.

Kompaniya ish olib borayotgan boshqa proyektlar qatorida amerikalik yozuvchi Frederik Duglas biografiyasini ekranlashtirish, Ikkinchi jahon urushidan so‘ng Nyu-Yorkda moda industriyasi haqida serial va bolalarga oziq-ovqat mahsulotlari haqida tushuncha beruvchi dastur sanab o‘tilgan.