OAV: Eddi Myorfi “Amerikaga tashrif” komediyasining davomini suratga olishni rejalashtirmoqda

Amerikalik kinoaktyor Eddi Myorfi “Amerikaga tashrif” (Coming to America, 1988) komediyasining davomini suratga olishni rejalashtirmoqda. Bu haqda “TASS” xabar berdi.

Mazkur film o‘z vaqtida tomoshabinlar o‘rtasida muvaffaqiyat qozongan, hatto “Oskar” mukofotiga da’vogarlik qilgandi. 

TMZ manbalariga ko‘ra, Myorfi ayni paytda “Amerikaga tashrif-2” ssenariysi ustida ishlamoqda. Aktyorlar tarkibi hozircha aniq emas.

Shunday bo‘lsa-da, Eddi Myorfi loyihaga birinchi filmdagi aktyorlarni jalb etishi taxmin qilinmoqda. Komediyada ehtimoliy kelinni ijro etgan Vanessa Bell Kellouey uning davomida o‘ynashga roziligini bildirdi. “Daryo”ning Telegram’dagi rasmiy kanali — @toshqindaryo’ga a’zo bo‘ling!