DXX xodimi Keles kanalida cho‘kayotgan qozog‘istonlik ayolni qutqardi

Keles chegara kanalida cho‘kib ketayotgan ayolning hayoti saqlab qolindi, deb xabar berdi O‘zA.

4-may kuni DXX chegara qo‘shinlari harbiy xizmatchisi A. Fayzullayev va O‘zbekiston fuqarosi Javlon Terminal Group” MChJ xodimi B. Ashurov Qozog‘iston Respublikasi fuqarosi Aynur Askarovani Keles chegara kanalida cho‘kib ketgan holda qutqarishga muvaffaq bo‘ldi.

Qozog‘iston chegarachilari bilan hamkorlikda ayolga zarur tibbiy yordam ko‘rsatilgan. Uning hayoti hozirda xavfdan holi ekanligi aytilmoqda.