Andijonda bayramoldi savdo yarmarkalari ish boshladi

Navro‘z bayrami arafasida Andijon shahridagi aholi gavjum hududlarda qishloq xo‘jaligi mahsulotlari savdo yarmarkalari ish boshladi. Bu haqda viloyat hokimligi axborot xizmati xabar bermoqda.

Yarmarka rastalarida “Andijon viloyati bozorlari va savdo majmualari” uyushmasi, “Andijongo‘shtsutsavdo” aksiyadorlik jamiyati, “Andijonbaliq” mas’uliyati cheklangan jamiyati, agrofirmalar, parrandachilik korxonalari va ko‘plab savdo tashkilotlari hamda fermer xo‘jaliklarining 50 dan ortiq turdagi mahsulotlari savdosi yo‘lga qo‘yilgan.

“Yarmarkalarning ochilish marosimida viloyat hokimi Shuhratbek Abdurahmonov ishtirok etib, aholi vakillarini bayram bilan qizg‘in qutladi”, — deyiladi hokimlik axborotida.

“Daryo”ning Telegram’dagi rasmiy kanali — @toshqindaryo’ga a’zo bo‘ling!