Andijonda yuk mashinasining davlat raqamini o‘g‘irlagan shaxs qo‘lga olindi

Andijon tumanida 2018-yil 28-iyul kuni tuman prokuraturasidan tushgan hujjatlarga ko‘ra, 2017-yil 24-oktabr kuni noma’lum shaxs Tolmazor mahallasi hududida qarovsiz qoldirilgan Asaka tumani Do‘rmon mahallasida yashovchi 39 yoshli B.J.ning boshqaruvida bo‘lgan ISUZU rusumli yuk avtomashinasining old va orqa tomon davlat raqam belgilarini yechib olib ketgan, bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar qiladi.

Holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni Andijon shahar Xursandlik ko‘chasida yashovchi 35 yoshli O‘.M. sodir etganligi aniqlanib, ushlangan. Tergov davom etmoqda.