Luis Suares jarohati jiddiy bo‘lib chiqdi

“Barselona” hujumchisi Luis Suares jarohati sabab operatsiya qilindi. Bu haqda klubning rasmiy saytida xabar berildi.

Urugvaylik o‘ng tizzasidan olgan jarohati tufayli artroskopiyadan o‘tishga majbur bo‘ldi.

Suares endi faqatgina 4-6 haftada safga qaytishi mumkin. Shunday qilib, u mavsumning qolgan qismini o‘tkazib yuboradi.

32 yoshli hujumchi Amerika Kubogining dastlabki uchrashuvlarida ham o‘z terma jamoasiga yordam bera olmaydi.

Eslatib o‘tamiz, mazkur musobaqaga 14-iyun kuni start beriladi. Urugvay terma jamoasi 16-iyun kuni guruh bosqichidagi ilk o‘yinini Ekvadorga qarshi o‘tkazadi.

Ma’lumot uchun, Luis Suares joriy mavsum La Liga doirasida 33 ta bahsda maydonga tushib, 21 ta gol urdi va 6 ta golga assistentlik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!