Fotogalereya: Vladimir Zelenskiy qayerda yashaydi — Ukraina yangi prezidentining uyi

Ukraina prezidenti Vladimir Zelenskiy 2008-yildan beri 1 200 kvadrat metrlik hovlida joylangan umumiy maydoni 353 kvadrat metrlik uyga egalik qiladi. Uy Kiyevdan 30 kilometr uzoqlikdagi Ivankovich qishlog‘idagi “Pomestye” elit shaharchasida joylashgan.

Qizig‘i shundaki, shaharcha doimiy tarzda qo‘riqlanadi. Shaharchaga faqat uy egasi tashrifingizni tasdiqlagandagina kirish mumkin. Shaharchada barcha sharoitlar bor: bog‘ va maktab, o‘yin maydonchasi, bolalar sport maydonchasi, avtomobil yuvish va xizmat ko‘rsatish stantsiyasi, hamda maxsus ko‘l mavjud.

2008-yilda Zelenskiyning uyi 31 ming dollarga baholangandi. To‘rt oydan so‘ng yangi saylangan prezident 27 ming dollarga yana qo‘shimcha 12 sotix yer sotib oladi.

Hozirda Zelenskiyning ikki qavatli uyida 3 ta sanuzel, bir nechta yotoqxona, shinam oshxona bor.

Uyda garaj yo‘q. Ikkita avtomobil uchun ajratilgan joy bor, xolos. Uy atrofida daraxtlar ko‘p va qimmat gazonlar ekilgan. Asosiy rang sifatida och ranglardan foydalanilgan. Devorlarni bo‘yashda ham sariq va qaymoq ranglardan foydalanilgan.

Oshxonadagi to‘q rangli minigarnitura juda “qo‘pol” ko‘rinmasligi uchun yorqin rangli fartuk va kichik gulli kafellar qo‘shilgan.

Vladimir Zelenskiyning Italiyada ham villasi borligi saylovoldi kampaniyalar paytida ma’lum qilingandi. U klassik O‘rtayer dengizi uslubida qurilgan va baland devorlar bilan o‘ralgan. Hozirda yangi prezidentning rafiqasi Italiyadagi uy haqidagi ma‘lumotlarni rad qilmoqda.