“Liverpul” APLda noodatiy natija qayd etdi

“Liverpul” Angliya Premyer ligasining so‘nggi turida “Vulverhemton”ni mag‘lub etgan bo‘lishiga qaramay (2:0), musobaqa jadvalida 2-o‘rinda qoldi.

Sky Sports’ning xabar berishicha, mersisaydliklar bitta mavsumda atigi bir marta mag‘lubiyatga uchrab, yakunda chempionlikni nishonlamagan musobaqa tarixidagi birinchi jamoa bo‘ldi.

Qayd etish joiz, “Liverpul”ning yagona mag‘lubiyati “Manchester Siti”ning chempionlikni nishonlashiga yetarli bo‘ldi.

Eslatib o‘tamiz, “qizillar” 38-tur natijalariga ko‘ra 97 ochko jamg‘arib ikkinchi, “shaharliklar” esa 98 ochko bilan birinchi o‘rinni egalladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!