» » O‘zbekistonda Ipotekani qayta moliyalashtirish kompaniyasi tashkil etiladi

O‘zbekistonda Ipotekani qayta moliyalashtirish kompaniyasi tashkil etiladi


O‘zbekistonda Moliya vazirligi tomonidan boshlang‘ich ustav kapitali 25 milliard so‘m bo‘lgan aksiyadorlik jamiyati shaklidagi Ipotekani qayta moliyalashtirish kompaniyasi ta’sis etiladi. Bu Prezidentning “Ipoteka krediti bozorini rivojlantirish va kengaytirishga oid qo‘shimcha chora-tadbirlar to‘g‘risida”gi farmonida ko‘zda tutilgan.

Respublika tijorat banklari va boshqa yuridik shaxslarga ixtiyoriy ravishda kompaniya ta’sischilari bo‘lish huquqi beriladi.

Farmon bilan quyidagilar kompaniyaning asosiy vazifalari etib belgilangan:

mahalliy va xalqaro kapital bozorlarida moliyaviy resurslarni, shu jumladan, xalqaro moliya institutlari va xorijiy hukumat moliya tashkilotlarining mablag‘larini jalb qilish va keyinchalik ularni ipoteka kreditlarini qayta moliyalashtirishga yo‘naltirish;

aholining arzon uy-joylarga o‘sib borayotgan ehtiyojini qanoatlantirish uchun bozor tamoyillari asosida tijorat banklariga moliyaviy resurslar taqdim etish;

shu jumladan, ipoteka qimmatli qog‘ozlarini chiqarish va ularni investorlar orasida joylashtirish;

ipoteka krediti tizimini takomillashtirishga ko‘maklashish, ipoteka bozorini rivojlantirishning zamonaviy uslublari va vositalarini tatbiq etish, ipoteka krediti va ipoteka qimmatli qog‘ozlar bozorida xavflarni kamaytirish va likvidlikni oshirish;

ipoteka krediti va qayta moliyalashtirish sohasida, shu jumladan, xorijiy ekspert va mutaxassislarni jalb qilgan holda metodologik va normativ-huquqiy bazasini ishlab chiqishda ishtirok etish.

Ma’lumot uchun, Moliya vazirligi tomonidan Osiyo taraqqiyot banki bilan birgalikda O‘zbekistonda ipoteka bozorini rivojlantirish dasturini 2019—2021-yillarda amalga oshirish konsepsiyasi ishlab chiqilgan. Uning doirasida uzoq muddatli barqaror ipoteka moliyalashtirish tizimini yaratish uchun OTB tomonidan 200 million dollar ajratish nazarda tutilgan.



Manba: Daryo.uz
Опубликовано: admin (14-05-2019, 08:14)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Кто вы по знаку зодиака?

КТО НА САЙТЕ?
( 30) ( 0) ( 28) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют