Abdulaziz Komilov 17—18-may kunlari Dushanbega tashrif buyuradi

O‘zbekiston Tashqi ishlar vaziri Abdulaziz Komilov boshchiligidagi delegatsiya 2019-yilning 17—18-may kunlari Dushanbe shahriga tashrif buyuradi. Bu haqda vazirlik matbuot xizmati xabar berdi.

Tojikistonning Dushanbe shahrida “Terrorizm va uni moliyalashtirish asoslari, xususan, narkotiklarning noqonuniy aylanishi va uyushgan jinoyatchilikka qarshi kurashda xalqaro va mintaqaviy hamkorlik” mavzusidagi yuqori darajali konferensiya va “Markaziy Osiyo – Yaponiya” muloqoti tashqi ishlar vazirlarining 7-majlisi bo‘lib o‘tadi.

Dushanbe shahrida mazkur tadbirlarda ishtirok etayotgan delegatsiyalar rahbarlari bilan qator ikki tomonlama uchrashuvlar o‘tkazish ham rejalashtirilgan.