Xitoyda Wikipedia to‘liq bloklandi
Xitoyda Wikipedia to‘liq bloklandi. Bunga qadar internet-ensiklopediyaning faqatgina xitoy tilidagi versiyasi ishlamagan bo‘lsa, endilikda uni boshqa barcha tillarda ham o‘qishning imkoni yo‘q, deb xabar beradi “Vesti.ru”.
Xitoyda boshqa ko‘plab internet-resurslar, jumladan, Facebook, Instagram, WhatsApp va Google ham bloklangan.
2018-yilning boshida “VKontakte”dan cheklov olib tashlangan edi va kompaniya mahalliy qonunchilikka to‘g‘ri kelmaydigan materiallarni mamlakat aholisi uchun bloklab qo‘yishga tayyorligini bildirgan.
2017-yilda Wikipedia Turkiyada ham taqiqlangan bo‘lib, hukumatning fikricha, resurs mamlakat obro‘sini xalqaro maydonda qoralash bo‘yicha axborot kampaniyaning bir qismiga aylanib qolgan.
Joriy yilda Wikipedia qisman Venesuelada ham bloklangan edi.
Manba: Daryo.uz