Huawei kompaniyasi AQSh savdo vazirligining “qora ro‘yxati”ga tushgani haqidagi xabarni izohladi

16-may kuni Huawei AQSh Savdo vazirligining “qora ro‘yxat”iga tushgani haqida xabar berilgan edi. Kompaniya matbuot xizmati ushbu cheklov bo‘yicha rasmiy axborotni “Daryo”ga taqdim etildi.

“Huawei 5G texnologiyasi bo‘yicha tengi yo‘q yetakchi hisoblanadi. Biz AQSh hukumati bilan muzokaralarni istagan holda bunga tayyorligimizni bildiramiz va mahsulot xavfsizligini ta’minlash uchun samarali choralarni ko‘rishga intilamiz. Huawei kompaniyasining AQShda biznes yuritishini cheklash AQShni yanada xavfsiz yoki kuchli mamlakatga aylantirmaydi,  aksincha, buning o‘rniga ular o‘zlarini bir qadar past, ayni vaqtda qimmatroq muqobil texnologiyalar bilan chegaralab, AQShni 5G tarmog‘ini yo‘lga qo‘yish bo‘yicha orqada qolishiga zamin yaratadilar, bu esa pirovardida Amerika kompaniyalari va iste’molchilarining manfaatiga zarar keltirishi aniq. Bundan tashqari, asossiz cheklovlar Huawei huquqlarini buzadi va boshqa jiddiy yuridik savollarni o‘rtaga olib chiqishi mumkin”, — deyiladi Huawei kompaniyasi axborotida.