O‘zbekistonda masjidlarni topishga yordam beruvchi maxsus mobil dastur ishga tushdi

Mahalliy va chet ellik musulmon sayyohlar uchun yana bir qulaylik yaratildi. Android dasturida ishlovchi mobil qurilmalar uchun O‘zbekistondagi masjidlarni topishga yordam beruvchi Masjid Finder Uzbekistan mobil dasturi ishga tushdi, deb yozmoqda “Azon.uz”.

Aytilishicha, dasturga hozircha Toshkent shahri va viloyati, Buxoro va Samarqand viloyatlarining 721 ta masjidining geolokatsiya ma’lumotlari kiritilgan.

Ushbu dastur tajriba shaklida ishga tushirilgan bo‘lib yaqin kunlarda boshqa hududlardagi masjidlar va qo‘shimcha xizmatlar bilan boyitiladi.