Zelenskiy Kolomoyskiyning yuristini prezident ma’muriyati rahbari etib tayinladi

Ukraina prezidenti Vladimir Zelenskiy Andrey Bogdanni ma’muriyati rahbari etib tayinladi. Bu haqda Meduza xabar bermoqda.

Bogdan shu paytgacha Zelenskiyning yuridik masalalar bo‘yicha maslahatchisi lavozimini egallab kelgan.

Ukraina OAVlari Bogdanni tadbirkor Igor Kolomoyskiyning yuristi deb ataydi. Jumladan, u “Privatbank” natsionalizatsiya qilinishi bo‘yicha sud jarayonlarida milliarderning manfaatlarini himoya qilgandi.