» » O‘zbekistonda yuridik kollejlarga 9-sinf bitiruvchilarini qabul qilish to‘xtatiladi

O‘zbekistonda yuridik kollejlarga 9-sinf bitiruvchilarini qabul qilish to‘xtatiladi


Adliya vazirligining yuridik kollejlariga 2019/2020-o‘quv yilidan boshlab 9-sinf bitiruvchilari qabul qilinmaydi. Bu haqda 22-may kuni Milliy matbuot markazida o‘tkazilgan anjumanda Toshkent davlat yuridik universiteti prorektori Dilshodjon Umarov ma’lum qildi.

“Adliya vazirligi tuzilmasidagi 14 ta yuridik kollejga 2019/2020-o‘quv yilidan boshlab 9-sinf bitiruvchilari emas, 11-sinf, akademik litsey va kasb-hunar kollej bitiruvchilari saralab olinadi. Ular kollejga davlat xizmatlari, kadrlar masalalari, agrar sektor, shartnomaviy masalalar, notariat, advokatura, ijro ishi bo‘yicha yurist mutaxassisliklari bo‘yicha to‘lov-kontrakt asosida o‘qishga qabul qilinadi. O‘qish davri — ikki yil”, — dedi prorektor.

Dilshodjon Umarovning qo‘shimcha qilishicha, kam ta’minlangan oilalar va ko‘zi ojiz abituriyentlar hamda mehribonlik uylarining tarbiyalanuvchilari maxsus ajratilgan o‘rinlarga davlat granti asosida qabul qilinadi.

Yuridik kollejlarga qabul qilish haqidagi arizalar 1-iyundan 20-iyungacha (shu kuni ham) qabul qilinadi. Imtihon 1—10-iyul kunlari ‘Huquqshunoslik’ (100 ballgacha) va ‘Ona tili va adabiyoti’ (50 ballgacha) fanidan yozma shaklda bo‘lib o‘tadi. Har bir fan bo‘yicha yozma imtihon uchun belgilangan eng yuqori balldan 55 foizini yoki undan kamni to‘plagan, shuningdek, belgilangan vaqtda yozma imtihonga kelmagan abituriyentlar qabul qilinmaydi.

Anjumanda ta’kidlanishicha, Toshkent davlat yuridik universiteti bakalavriatiga 2020/2021-o‘quv yilidan boshlab yuridik kollejlari bitiruvchilarining 30 foizi yo‘llanma asosida test sinovlarisiz, faqat suhbat o‘tkazish orqali qabul qilinadi. O‘qish davri uch yil bo‘lib, o‘qish tugaganidan so‘ng ularga taqsimotga muvofiq uch yil davomida uzluksiz ishlab berish majburiyati qo‘yiladi.

Yo‘llanma maxsus komissiya orqali beriladi. Unga ko‘ra, komissiya yuridik kollej bitiruvchisini huquqiy ongi va huquqiy madaniyatini, shuningdek, ma’naviy-axloqiy fazilatlarini aniqlash uchun suhbatdan o‘tkazadi. Bunda bituruvchining o‘quv fanlaridan ko‘rsatgichlari 71 va undan ortiq foizni tashkil qilishi, faolligi va namunali xulq-atvorga egaligi hisobga olinadi.



Manba: Daryo.uz
Опубликовано: admin (23-05-2019, 19:29)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 27) ( 0) ( 26) ( 1)
Юзеры:
- отсутствуют
Роботы:
Последние 20 посетителей... - отсутствуют