Afg‘oniston mudofaa vazirligi “Tolibon” ning bahorgi hujumi muvaffaqiyatsizlikka uchraganini ma’lum qildi

“Tolibon” radikal harakati jangarilarining aprel oyida e’lon qilingan bahorgi hujumi muvaffaqiyatsizlikka uchradi. Bu haqda Afg‘oniston mudofaa vaziri vazifasini bajaruvchi Asadulla Xalidning so‘zlariga asoslanib, “TASS” xabar berdi.

“Joriy yilda dushmanlar o‘z tarafdorlari bilan Afg‘onistonda hech narsani o‘zgartira olmadi. Jangarilarning an’anaviy bahorgi hujumi muvaffaqiyatsizlikka uchradi”, — deydi Asadulla Xalid.

“Tolibon” radikal harakati 12-aprel kuni Afg‘onistonga “an’anaviy bahorgi hujum” boshlanganini ma’lum qilgan edi.