Kongoda kema cho‘kishi oqibatida 30 kishi halok bo‘ldi, 200 kishi bedarak yo‘qoldi

Kongodagi Mai-Ndombe ko‘lida kema cho‘kishi oqibatida kamida 30 kishi halok bo‘ldi. Bu haqda The Associated Press xabar bermoqda.

Yana 200 kishi bedarak yo‘qoldi.

Inongo shahri meri Simon Vembaga ko‘ra, kemadagilarning aksariyati o‘qituvchilar edi. Ular yo‘llarning abgor ahvoli tufayli suv orqali maoshini olish uchun borishga majbur bo‘lgan.

Kemada jami bir necha yuz kishi bo‘lgani, ulardan 80 nafardan ortig‘i qutqarib qolingani bildirilmoqda.