Toshkent maktablarida o‘quvchilar uchun yozgi dam olish dasturlari ochilmoqda

Toshkent shahridagi 65 ta umumta’lim maktabida kunduzgi sog‘lomlashtirish markazlari ochiladi. 191 ta maktabda esa turli yo‘nalishdagi to‘garaklar tashkil etiladi. Sog‘lomlashtirish maydonlari kunduzgi soat 8:00 dan 12:00 gacha faoliyat yuritadi, deb xabar qiladi Toshkent shahar hokimligi Matbuot xizmati.

Yozgi ta’til davrida maktablarda tashkil etilayotgan oromgohlar bolalar uchun ajoyib sovg‘a bo‘ladi. Bu yerda har bir kun qo‘shimcha va foydali ta’lim, sport mashg‘ulotlari, qiziqarli va ijodiy tadbirlar bilan birga sarguzashtlarga boy tarzda o‘tadi.

Dastur 7 yoshdan 14 yoshgacha bo‘lgan bolalar uchun birdek foydali va qiziqarli tarzda ishlab chiqilgan.