111 mamlakat fuqarolariga O‘zbekistonda yashash guvohnomasini olish huquqi berildi

Prezidentning ayrim hujjatlariga o‘zgartirish va qo‘shimchalar kiritildi. Bu haqda “Huquqiy axborot” kanali ma’lum qildi.

Kiritilgan qo‘shimchalarga muvofiq, 111 ta mamlakat fuqarolariga O‘zbekistonda yashash guvohnomasini olish huquqi berildi.

Ular buning uchun quyidagi summada ko‘chmas mulkni sotib olishi lozim:

Toshkent viloyati va Toshkent shahrida — 400 000 AQSh dollari ekvivalentidan kam bo‘lmagan miqdorda;

Samarqand, Buxoro, Namangan, Andijon, Farg‘ona va Xorazm viloyatlarida — 200 000 AQSh dollari ekvivalentidan kam bo‘lmagan miqdorda;

Qoraqalpog‘iston Respublikasi va respublikaning boshqa viloyatlarida — 100 000 AQSh dollari ekvivalentidan kam bo‘lmagan miqdorda.