» » Dmitriy Medvedev qadimiy Xivani tomosha qildi (foto)

Dmitriy Medvedev qadimiy Xivani tomosha qildi (foto)


Rossiya Hukumati raisi Dmitriy Medvedev O‘zbekiston Bosh vaziri Abdulla Aripov hamrohligida Xiva shahrini tomosha qildi. Bu haqda O‘zA xabar berdi.

Rossiya delegatsiyasi Ichan-qal’adagi Ko‘hna ark, Pahlavon Mahmud majmualari, Sherg‘ozixon madrasasi, Juma masjidi, Muhammad Rahimxon madrasasi va boshqa diqqatga sazovor joylar bilan tanishdi.

Yuqori martabali mehmonga ushbu obidalar tarixi, bu yerda sayyohlikni rivojlantirish bo‘yicha amalga oshirilayotgan ishlar haqida so‘zlab berildi.

Majmuada Rossiya delegatsiyasi tashrifi sharafiga Xiva xoni Muhammad Rahimxon Soniyning taxtga o‘tirish marosimi sahnasi namoyish etildi. Asrlar osha ilm-u ma’rifat maskani bo‘lgan mazkur tarixiy obida, qo‘yilgan tomosha mehmonlarda katta taassurot qoldirdi.

Rossiya bosh vaziri qadimiy Xivaning tarixiy-me’moriy va turistik salohiyati juda yuqori ekanini alohida qayd etdi.

“Ushbu shahardagi bebaho madaniy yodgorliklar asl qiyofasini yo‘qotmagan holda ta’mirlanib, atrofi obodonlashtirilayotgani tahsinga sazovor. Ayniqsa, Ichan qal’a kabi yaxlit holda saqlangan tarixiy shaharlar dunyoda juda kam. Bu yerga kelgan har bir inson hayrat va zavqqa to‘lishi tabiiy. Jahon turizm industriyasining bir bo‘lagi bo‘lgan ushbu shahar O‘zbekistonning turizm salohiyati naqadar yuksakligidan dalolat beradi. Bu yerda yashagan tarixiy shaxslarning hayoti va jahon sivilizatsiyasiga qo‘shgan ulkan hissasi haqida jamoatchilikka ko‘proq ma’lumot berish kerak. Shaxsan o‘zim bugundan boshlab Xiva haqidagi taassurotlarimni Rossiya va xorijiy davlatlarda keng targ‘ib etaman”, – dedi Dmitriy Medvedev.



Manba: Daryo.uz
Опубликовано: admin (30-05-2019, 21:14)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 31) ( 0) ( 29) ( 2)
Юзеры:
- отсутствуют
Роботы:
Последние 20 посетителей... - отсутствуют